Hello Vivian 聽講ESF英基學校協會嚟緊8月1號開始會有啲收生政策上嘅大變動喎，係咪真㗎？我嚟緊會想我囝囝申請英皇喬治五世學校，會唔會影響佢㗎？
呢個問題問得好好！
香港老牌國際學校 — 英基學校協會一直以來受家長青睞，不但教學質量高、國際學生比例高、學費亦是大部份家庭能負擔的。但當家長自行報考或者委託我哋報考嘅時候往往遇到一個好大嘅煩惱：
究竟我應該報邊間學校呢？幼稚園、小學、中學加埋有22間學校，係咪間間一樣㗎？有無一條龍㗎？又要分區，我淨係想報沙田學院咋喎，聽講等極都冇位，究竟點先入到？
英基一直以來都行傳統嘅英制校區政策，換言之小朋友可以申請到邊間學校，完全取決於家庭住邊區。如果家住港島區，就申請唔到英皇喬治五世學校或沙田學院，因為學校唔係你住的校區 ”zone” 內，學校亦安排唔到校車接送服務，家長需自行解決接送安排。
但係嚟緊2023年8月1號生效嘅 免校區政策 就代表咗申請學校 不再 受區域嘅限制。每位申請者最多可以報讀四間小學或中學包括私營獨立學校（Renaissance College，Discovery College），並可以按照自己嘅志願排序。就算家住港島，都可以報九龍及新界區嘅學校啦！我曾經見過家長為咗入讀心儀嘅學校，特登去搬屋就係想用新嘅地址去報學校，而家終於唔使勞師動眾報學校！
本人相信學校有此政策上嘅改變，係因為當中有幾所學校特別受家長熱烈嘅支持， waiting list長期爆滿，一等就係兩、三年先有機會做測試，就算有兄弟姊妹嘅優先權，都要等返相若嘅時間。而某一啲地區相對隔涉嘅學校相對冇咁多家長選擇。為咗平衡返每間學校嘅申請情況，令多啲同學仔有機會做到測試及入讀ESF，學校終於作出該改變。英基學校亦深信學生無論入讀英基邊間學校，學生都能獲得全球最頂尖教師提供嘅世界級水平教育，為每位小朋友發掘才能，每一間英基學校都係一流嘅學府。
另一個家長擔心嘅問題就係新政策會否影響我目前係學位輪候名單上既排位？
唔會！呢個方面就唔使擔心，學校係睇遞交表格嘅日期去決定先後次序的，所有嘅申請人可修改已經報讀學校嘅選擇，但同時可以保留原本嘅申請日期。在等候名單上的家長就要留意七月中學校send過嚟嘅通知啦，到時候可以重新選擇心儀學校的次序！
英基幼稚園 K2 上 Year 1 或者 小學 Year 6 上 Year 7 又會否有影響呢？
這項新政策改變適用於幼稚園 K2 升讀小學的情況。現在英基幼稚園 K2 的學生可以跨區自由選擇報讀四間小學，派位就取決於各學校的學位空缺情況，學生不一定能派獲心儀嘅學校，變相係大抽獎！至於英基小學 Year 6 學生就不會受免校區政策影響啦，他們會如常獲派至該小學的一條龍中學。
最後講重點，雖然家長依家多咗自由度去選擇心儀嘅學校，咁樣又代唔代表比較出名那幾所學校真係競爭細咗？大家要好好諗一下，早報早享受！講到底，學校都係睇小朋友嘅實力，若果達唔到能力要求，報考邊間學校都唔會被錄取。通過筆試及面試培訓可大大提高學生自身嘅表達能力。若果想了解更多申請英基名校嘅策略，及我們過往嘅成功例子，歡迎大家聯絡我哋了解更多，電話：9532 1138。希望我哋專業意見及客觀分析可以幫到你做出最合適嘅選擇，一擊即中！
Reference: https://www.esf.edu.hk/esf-to-drop-zoning-requirement-for-school-admissions/
**以上文章為睿教育的資產，嚴禁抄襲，違者將受到法律追究。