• 睿教育

我們是如何做到 2 年內成功幫助學生取得共 10 個以上的加拿大國際學校錄取?

已更新:8月9日



眨吓眼已經係三月中,經過左大概半年嘅努力,好開心最近收到好多加拿大國際學校CDNIS嘅好消息,尤其係Grade 7 嘅錄取,我哋暫時攞到 5 offers。根據學校官方嘅訊息,Grade 7 每年大概只係收 20 個新生(Grade 7 唔係入學點,學校唔會開新班,收生數目會根據來年學生流失數目去決定),數數手指,我哋嘅學生已經佔咗 ¼。作為學生嘅mentor,我十分欣慰。


究竟睿教育係如何做到 2 年內取得共 10 個以上的錄取?


要平穩地每年幫學生攞到加拿大國際學校嘅錄取並唔係偶然或僥倖,是靠多年申請經驗累積落嚟嘅知識及觸覺。作為經驗豐富嘅教育顧問,我哋會站喺招生處嘅角度去審視每位學生既申請資料。從一開始為學生做定位,到係inquiry form及申請表格落墨時嘅用詞及語調都係經過深思熟慮,目的係為學生打造一個獨特的第一印象,為學生進入下一輪篩選鋪路。


加拿大國際學校係一間 selective school,作為一間歷史悠久嘅 IB 認證學校,佢哋要收嘅學生唔係純粹讀書叻,佢哋希望錄取一班有學習熱誠又多才多藝、對改變世界有抱負嘅未來領袖。呢幾個條件基本上就係 IB 架構裏面經常提及既 Learner Profile 特質:inquirers, knowledgeable, thinkers, communicators, principled, open-minded, caring, risk takers, balanced and reflective




有家長會反問,要小朋友係咁細嘅年紀符合上述嘅特質未免太苛刻。當然,冇一個學生係完美嘅,如果學生擁有所有上述嘅特質固然係學校嘅首選,但學校睇嘅係長遠來講學生究竟有冇潛力去俾學校改造,係學習、成長過程中慢慢將呢啲特質展現出嚟。


要過加拿大國際嘅第一關,學生嘅校內成績及排名非常重要!係非常重要!佢哋亦會睇重英文寫作能力。學校會要求申請者提交一篇最近嘅英文寫作或功課比學校審視寫作能力,呢篇文章必須由學校老師批改及比分。招生官同校長會仔細閱讀學生嘅文章去判定學生係咪有能力去學習IB課程。對於一啲平時比較少用英文嘅本地學校學生黎講,要佢哋有紋有路寫150字其實好困難,先唔講內容,要英文 grammar 同串字都啱晒就必須靠平日多練習先可以做到。


另外一關要睇嘅係老師推薦表格 Student Reference Form(通常邀請現任班主任、英文老師或數學老師填寫),除咗家長提供嘅申請材料,招生處相信學校老師對學生平日嘅觀察及評價係了解申請者最直接了當嘅方法。招生主任會要求學校老師直接將老師推薦表格send俾學校,絕對唔允許第三方查閱內容。家長請注意:要麻煩學校老師填寫推薦表格必須預留多啲時間,切勿太趕,否則老師未必有時間將推薦表格填寫。


第三關,當然係面試。倘若申請者所遞交嘅申請材料嘅水平都唔錯,招生處主任就需要透過面試去進一步確定申請者係咪佢哋想搵嘅學生類型。自我介紹一定走唔甩,招生處主任亦會增加難度給予申請者壓力,問他們一些情境題,睇學生嘅common sense、急才、創意、理解能力及表達能力。


參考例子:「如果你要去第二個星球執行任務而你只可以帶三樣物品,你會帶啲咩呢?」


要去解答問題必須要清楚處境,要對症下藥。一個洞察力強嘅學生首先應該識反問 「呢個係咩星球?要執行嘅任務係咩?」了解咗環境情況之後,知道會遇到嘅潛在危險,學生就要開始諗要攜帶啲咩物品先可以同時保障自己嘅安全及協助自己完成任務,要去說服招生主任,學生亦必須要解釋每一個物品嘅用處及選擇攜帶該物品既原因。緊張嘅學生可能只會隨口講一啲自己經常會使用嘅物品,而缺乏考慮該物品是否可以派上用場。一條看似簡單嘅問題其實就可以分出申請者思維嘅深度、邏輯能力,高下立見。


以上嘅內容係我哋嘅少少分享,希望幫到學生、家長係申請學校嘅時候更加有頭緒及方向。要申請高難度的學校如加拿大國際學校,必須要提前做好功課,切勿臨急抱佛腳。寫作能力及面試技巧唔係一時三刻可以學得黎嘅技能,我哋建議學生起碼提早一年時間準備。


想了解更多申請加拿大國際學校嘅資訊,歡迎聯絡我哋做個免費評估,電話:9532 1138


**以上文章為睿教育的資產,嚴禁抄襲,違者將受到法律追究。

364 次查看0 則留言